喺啲貓面前就好似喺男神面前要收斂哂我最真實一面，扮返個淑女咁，遠遠地欣賞下佢哋就心足了。因為我有個陰影，好驚貓貓會發脾氣出爪刮我，通常只敢摸下佢哋個頭，望下嚿肉球，完全唔知點樣埋去親近佢。
我個人又粗魯大動作，佢哋就好優雅好斯文，每次我興奮佢又好冷靜，好似成日撥我冷水請食檸檬咁，嗚......其實明明好想同佢玩。
小插曲：我嘗試抱起佢合照，但我一抱起佢就「喵～」我嚇到大叫放低佢，反而嚇親盤菜。佢話佢抱親都叫㗎唔係嬲，但我平時抱狗剩係整親佢哋先會叫架嘛...🤦🏻♀️
盤菜瑩子 隻貓仔：密斯